دەستکەوتێکی مێژوویی: پەیمانگەی تەکنیکی کوردستان (KTI) وەک تاکە پەیمانگە کێبڕکێی زانکۆکانی جیهان دەکات و پلەی دووەم لەسەر ئاستی هەرێم بەدەست دەهێنێت.

ڕێکەوت : 18 - Mar - 2026

دەستکەوتێکی بێوێنە.. پەیمانگەی تەکنیکی کوردستان (KTI) وەک تاکە پەیمانگە پێشەنگی زانکۆکانی گرت

پەیمانگەی تەکنیکی کوردستان مێژوویەکی نوێی لە خوێندنی باڵای کوردستان و عێراق تۆمارکرد..

شانازییەکی گەورەیە کە ڕایدەگەیەنین پەیمانگەی تەکنیکی کوردستان (KTI) لە ڕیزبەندییەکی باوەڕپێکراوی بەریتانیی جیهانیدا (HE Higher Education Ranking - 2026)، ئەنجامێکی سەرسوڕهێنەری بەدەستهێنا و شانبەشانی زانکۆ جیهانییەکان وەستا.

ئەوەی ئەم دەستکەوتە ناوازە دەکات ئەوەیە کە ئێمە تاکە پەیمانگەین لەسەر ئاستی هەموو عێراق کە بەشداری ئەم کێبڕکێیەمان کردووە و ئەم ئەنجامانەمان بەدەستهێناوە:

٠لەسەر ئاستی جیهان: پلەی (٢٢٩) لە نێوان (٥٠٧) زانکۆی بەشداربوو لە (٩٥) وڵاتی جیاوازەوە.

- لەسەر ئاستی عێراق: پلەی (١٣)ـیەمین.

- لەسەر ئاستی هەرێمی کوردستان: پلەی (٢)ـەمین .

ئەمە سەلمێنەری ئەوەیە کە KTI تەنها پەیمانگەیەک نییە، بەڵکو ناوەندێکی ئەکادیمییە کە بە کوالێتی و پرۆگرامەکانی کێبڕکێی گەورەترین زانکۆکان دەکات.

پیرۆزباییەکی گەرم لە دەستەی کارگێڕی، مامۆستایان، خوێندکاران و دەرچووانی پەیمانگەکەمان دەکەین. پێکەوە هەمیشە لە لوتکەداین!

پەیمانگەی تەکنیکی کوردستان وەک هەمیشە بەڵێن دەدات کە بەردەوام بێت لەسەر پێشکەشکردنی باشترین ئاستی خوێندن و هێشتنەوەی ناوی کوردستان لە ڕیزی پێشەوەی نەخشەی ئەکادیمیی جیهانیدا.

 دەتوانن لە ڕێگەی ئەم لینکەوە ئەنجامە فەرمییەکان ببینن:
لینکی ئەنجامی فەرمی 

(https://www.google.com/url?sa=E&q=https%3A%2F%2Fheranking.com%2F2026%2Fkti.edu.iq)