پەیمانگەی تەکنیکی کوردستان

بازدانێکی نوێ لە ڕیزبەندییە جیهانییەکاندا...

ڕێکەوت : 26 - Oct - 2025

پەیمانگەی تەکنیکی کوردستان لەسەر ئاستی عێراق پێش دەکەوێت

بە خۆشحاڵییەوە ڕایدەگەیەنین کە پەیمانگەی تەکنیکی کوردستان لە نوێترین ڕیزبەندیی "ئیندێکسی زانستیی ئەی دی" (AD Scientific Index) بۆ ساڵی ٢٠٢٥دا، پێگەیەکی بەرچاوی لەسەر ئاستی جیهان و عێراق بەدەستهێناوە.

بەپێی ئەنجامەکان، پەیمانگاکەمان لەسەر ئاستی جیهان پلەی ١٢,٤٥٧ـەمی بەدەستهێناوە. هەروەها، لەسەر ئاستی دامەزراوە ئەکادیمییەکانی عێراقدا، پلەی ٨٨ـەمی وەرگرتووە.

ئەم دەستکەوتە زانستییە بەرهەمی ماندووبوون و توێژینەوەی بەردەوامی مامۆستایان و ستافی ئەکادیمیی پەیمانگاکەمانە، کە توانیویانە لەنێو هەزاران زانکۆ و دامەزراوەی زانستیی جیهاندا پێگەی خۆیان دیاری بکەن.

بەناوی ڕاگرایەتی پەیمانگەوە پیرۆزبایی لە تەواوی مامۆستایان، خوێندکاران و ستافی پەیمانگە دەکەین. هیوای بەردەوامی و سەرکەوتنی زیاترییان بۆ دەخوازین لەپێناو بەرزکردنەوەی ئاستی زانستی لە کوردستاندا.

یارمەتیدەری زیرەک

بازدانێکی نوێ لە ڕیزبەندییە جیهانییەکاندا...

پەیمانگەی تەکنیکی کوردستان لەسەر ئاستی عێراق پێش دەکەوێت