دەستکەوتێکی زانستیی نوێ بۆ پەیمانگەی تەکنیکی کوردستان
ڕێکەوت : 12 - Oct - 2026
لە چوارچێوەی چالاکییە زانستی و ئەکادیمییە بەردەوامەکانیدا، بەشی تەکنەلۆجیای ڕۆبۆت و ئۆتۆمەیشن لە پەیمانگەی تەکنیکی کوردستان پانێڵێکی زانستیی تایبەتی لەژێر ناونیشانی:
«ڕۆبۆتیک و ئۆتۆمەیشن (AI): لێهاتووییەکانی سبەی، دەرفەتەکانی ئایندە»
لە هۆڵی کۆنفرانسی شێخ فاخر شێخ تەیب قەیوانی، بە ئامادەبوونی ڕاگرایەتیی پەیمانگە، مامۆستایان، پسپۆڕانی کەرتی پیشەسازی و ژمارەیەکی بەرچاو لە فێرخوازان ئەنجامدا.
تەوەرەکانی پانێڵەکە:
لە میانی پانێڵەکەدا، تیشک خرایە سەر گرنگی و پێگەی تەکنەلۆجیای ڕۆبۆت، سیستەمە ئۆتۆماتیکییەکان و زیرەکی دەستکرد (AI) وەک یەکێک لە نوێترین و پڕداواکاریترین بوارەکان لە هەرێمی کوردستان و عێراقدا. پانێڵیستەکان بە شێوەیەکی ورد باسیان لە چۆنیەتی داڕشتنی پرۆگرامی خوێندنی بەشەکە (Syllabus) کرد، بە جۆرێک کە ڕاستەوخۆ وەڵامدەرەوە و چارەسەرکەری کێشە تەکنیکی و پیشەسازییەکانی ئێستای بازاڕی کار بێت. هاوکات جەختکرایەوە لەسەر ئەو دەرفەتە زێڕینانەی لەبەردەم دەرچووانی ئەم بەشەدان بۆ دەستکەوتنی کار لە کارگە پێشکەوتووەکاندا، یان دامەزراندنی پڕۆژە و کاری سەربەخۆی خۆیان لە بواری سیستمە هۆشمەندەکاندا.
پانێڵیستەکان:
م. برزو تاهیر محەمەد - سەرۆکی بەشی تەکنەلۆجیای ڕۆبۆت و ئۆتۆمەیشن لە پەیمانگەی تەکنیکی کوردستان.
فەردین مەجید عەلی - جێگری بەڕێوەبەری چاککردنەوە و چاکسازی لە کۆمپانیای مایا.
بەڕێوەبەری پانێڵ:
م. ڕیام علا جونی - مامۆستا لە پەیمانگەی تەکنیکی کوردستان.
لە بەشی کۆتایی پانێڵەکەدا، دەرگای پرسیار و گفتوگۆ بۆ بەشداربووان کرایەوە و دواتر لەلایەن ڕاگرایەتیی پەیمانگەوە بڕوانامەی ڕێزلێنان پێشکەش بە پانێڵیستەکان و بەڕێوەبەری پانێڵەکە کرا لە پای دەوڵەمەندکردنی چالاکییەکە بە زانیارییە بەنرخەکانیان.
2030 © پارێزراوە لە لایەن KTI
Visitor : 2344779
