ئەرکی پەیمانگە

دیدگامان ئەوەیە ببینە بژاردەی یەکەمی فێرخوازان، مامۆستایان، و کەرتی پیشەسازی لە کوردستان و عێراقدا؛ ناسراو بین لە ئاستی نێودەوڵەتیدا بۆ پێگەیاندنی کادیری تەکنیکیی لێهاتوو، خاوەن بەها، و دووربین کە بتوانن .سەرکردایەتی ئایندەی پیشەسازیی بکەن لە بازاڕی کاری ناوخۆی و جیهانیدا، بایەخی تایبەتیان پێبدرێت

دیدی پەیمانگە

ئامانجی پەیمانگەی تەکنیکیی کوردستان (KTI) بریتییە لە پێگەیاندن و پڕچەککردن بە زانست و لێهاتوویی، و بەهێزکردنی نەوەیەکی نوێ لە پسپۆڕانی تەکنیکی، تاوەکو بتوانن خۆیان لەگەڵ گۆڕانکارییە خێراکانی بازاڕی کاردا لە کوردستان، عێراق و سەرتاسەری جیهاندا بگونجێنن. ئەم ئەرکەش لە ڕێگەی چوار بنەمای سەرەکییەوە جێبەجێ دەکات:

·        پەروەردە و فێرکردن بە پێوەرە نێودەوڵەتییەکان: داڕشتنی بەرنامەکانی دیپلۆم لەسەر بنەمای پرۆسەی بۆلۆنیا، بە جۆرێک بڕوانامەکان باوەڕپێکراو و لە ئاستی نێودەوڵەتیدا کاری پێ بکرێت، هەروەها پڕۆسەی وانەوتنەوەش بە زمانی ئینگلیزییە.

·        ڕاهێنانی پراکتیکی بۆ ئامادەکردن بەرەو بازاڕی کار: گرێدانی زانستی ناو پۆل بە پێداویستییەکانی ژینگەی کار لە ڕێگەی وۆرکشۆپی پراکتیکی، تاقیگەی پێشکەوتوو، نەخۆشخانەی فێرکاری و مەشقی مەیدانیی ڕێکخراو؛ لەگەڵ پێدانی بڕوانامەی دانپێدانراوی جیهانی لە ڕێگەی ئەکادیمیای تەکنەلۆژیای زانیاری و پەیوەندییەکانی هواوی (Huawei ICT Academy).

·        توێژینەوە، هاوبەشی و هاوکاریی نێودەوڵەتی: بنیاتنانی پەیوەندی لەگەڵ زانکۆکان، دامەزراوەکانی بەخشینی بڕوانامە، و کەرتی پیشەسازی لە عێراق و دەرەوەی وڵات (بە بەریتانیا و ئەوروپاشەوە) بە مەبەستی بەرزکردنەوەی کوالیتیی خوێندن، ئەنجامدانی توێژینەوەی هاوبەش و پتەوکردنی کاری ئەکادیمی.

·        پێگەیاندنی هەمەلایەنەی تاک: گرنگیدان بە بەهرە تەکنیکییەکان هاوتەریب لەگەڵ بەهێزکردنی توانای سەرکردایەتی، بنەما ئەخلاقییەکان، بیرکردنەوەی ڕەخنەگرانە و باوەڕبەخۆبوون.

بەها بنەڕەتییەکان

·        کوالیتی و لێهاتوویی: پەیڕەوکردنی ستانداردە نێودەوڵەتییەکان لە شێوازی وانەوتنەوە، فێربوون، توێژینەوەی زانستی و بەڕێوەبردندا.

·        داهێنان و فێربوونی پراکتیکی: پەیڕەوکردنی پڕۆگرامی خوێندنی سەردەمیانە کە بە تاقیگەی پێشکەوتوو، سیستەمی دیجیتاڵی و شێوازی فێربوونی ئەزموونی و مەیدانی پاڵپشتی کراوە.

·        بیرکردنەوەی ڕەخنەگرانە و سەربەخۆ: ڕەخساندنی ژینگەیەکی فێرکاریی مرۆڤدۆستانە کە هانی فێرخواز دەدات خاوەنی بڕیار و دیدگای سەربەخۆی خۆی بێت.

·        هاوبەشی و پێکەوەکارکردن: گەشەکردن لە ڕێگەی دروستکردنی پەیوەندیی کاریگەر و بەستنی ڕێککەوتنامەی لێکتێگەیشتن (MoU) لەسەر ئاستی ناوخۆیی و نێودەوڵەتی.

·        دەستپاکی و ڕەوشتی پیشەیی: پشتبەستن بە ڕاستگۆیی، بەرپرسیاریەتی، ڕێزگرتن و بوێریی ئەخلاقی بۆ ئەنجامدانی کاری دروست.